Kompania OneFor Holding GmbH, me bazë në Dusseldorf të Gjermanisë ka lansuar zyrtarisht aplikacionin “OneFor” në Republikën e Kosovës. Ky lansim tashmë e ka futur Kosovën në hartën e vendeve të Bashkimit Europjan ku kjo kompani ofron shërbime financiare digjitale. Kompania OneFor Holding GmbH është pjesë e Grupit të bizneseve në pronësi të familjes së biznesmenit Lazim Destani.

Dje, me datë 9 shtator, Klubi i Futbollit Shkëndija ka qenë skuadra mike në ndeshjen miqësore me KF Wil që u zhvillua në Zvicër. Për dallim nga ndeshjet e rëndomta, kësaj radhe në qendër të vëmendjes nuk ishte ndeshja mes këtyre dy skuadrave por argëtimi dhe festa para e pas ndeshjes ku gjetën kënaqësi mijëra shqiptarët që jetojnë në Zvicër e që e ndoqën këtë ndeshje nga tribunat e stadiumit.

Për dy ditë me radhë (28-29 korrik), ishte Konferenca Ekonomike e Preshevës ajo që në Luginë i bëri bashkë sipërmarrës e grupe interesi nga Kosova, Shqipëria, Maqedonia e Veriut, Mali i Zi, Zvicra, Gjermania, Austria, si dhe prodhuesit vendorë.

Pas gati gjysmë shekulli në Tetovë takohen veteranët patriotë e dashamirës të futbollit të cilët në vitin 1979 i vunë themelet dhe ngritën Klubin e Futbollit Shkëndija. Ky takim u realizua në saje të iniciativës së futbollistit të gjeneratës së parë të kuqezinjve, shqiptaro-amerikanit Bruno Ceka, i cili po shijon ditë të bukura pushimi në Tetovën e tij që e viziton shumë shpesh.

Lazim Destani mori pjesë në aktivitetet disaditëshe për shënimin e 5-vjetorit të Këshillit të Ambasadorëve Shqiptarë (KASH). Nën organizimin e KASH, këto aktivitete nisën me datë 9 maj në Tiranë, vazhduan në Prishtinë dhe sipas agjendës, ato u mbyllën më 13 maj në Shkup. Në këtë shënim përvjetori, mysafir special ishte grupi përfaqësues i Këshillit të Ambasadorëve Amerikanë (KAA) i përbërë nga 17 ish-Ambasadorë që kanë kryer shërbimet diplomatike në vende të ndryshme të botës.

Biznesmeni Lazim Destani sot ka marrë pjesë në konferencën me temë “Vienna Economic Talks - Prishtina Meeting 2023”. Në kuadër të Forumit Ekonomik të Vienës konferenca u mbajt në Prishtinë, nën patronatin e kreut të shtetit Albin Kurti.

Rrjeti i Bizneseve të Diasporës Shqiptare në Europë ka zhvilluar një vizitë dyditëshe pune (28-29 prill) në Bursa të Turqisë. Më se 30 afaristë nga vende të ndryshme të Europës e nga Kosova ishin pjesë e agjendës së organizuar nga Shoqata e Bizneseve Shqiptare në Turqi, ARNIAD.

Sot në Tetovë u vendos guri i themelit për ndërtimin e Korridorit 8, ngjarje kjo domethënëse si për Maqedoninë e Veriut ashtu dhe për gjithë rajonin. Në këtë ngjarje që shënon nisjen e punimeve për ndërtimin e kësaj autostrade morën pjesë krerët shtetëror të Maqedonisë së Veriut, autoritete qeveritare nga Shqipëria e Bullgaria. Nga trupi diplomatik këtu mori pjesë Ambasadorja e SHBA-ve në Shkup Angela Price Aggeler e cila në fjalën e saj këtë projekt e cilësoi si shumë të rëndësishëm dhe investim që i shërben të ardhmes së rajonit.

Pa luftë e pa dëshmorë, liria e Kosovës nuk do të vinte. Familja e madhe e Jasharajve ishte ajo që dha gjithçka në luftën për lirinë dhe pavarësinë e Kosovës. Për ta nderuar këtë familje me rastin e 15-vjetorit të Pavarësisë së vendit shumë personalitete kombëtare e ndërkombëtare kanë bërë homazhe te Varrezat e Jasharajve në Prekaz.

Ditën e djeshme, 15-vjetori i Pavarësisë së Kosovës është shënuar me një sërë aktivitetesh mbarëkombëtare, ndërsa Prishtina ishte kryeqendra e aktiviteteve qeveritare të institucioneve më të larta shtetërore të vendit.

Reshjet e mëdha të këtyre ditëve në Kosovë lanë pas shumë toka e vendbanime të përmbytura. Shumë biznese e ferma të ngritura me shumë mund morën fund përnjëherë, ndërsa shumë familje mbetën jashtë shtëpive të tyre.

Në mbrëmjen gala ku ishin të pranishëm qindra pjesëmarrës, Presidenti i Nderit i Dhomës së Biznesit të Diasporës Shqiptare, filantropi dhe biznesmeni Lazim Destani mbrëmjen e djeshme më 18 Dhjetor, në Ditën Kombëtare të Diasporës, është vlerësuar me titullin “Gjeneral i Paqes”.

Mbledhja vjetore e Këshillit Koordinues të Diasporës (KKD) nuk ishte vetëm bilanci i një viti pune, por edhe një tryezë diskutimi për çështje të rëndësishme që i takojnë Diasporës. Këto aktivitete kanë zgjatur për tre ditë me radhë, 17 - 19 dhjetor.

Këshilli i Ambasadorëve Shqiptarë ka bërë me dije se “Bordit të Nderit” i janë shtuar një sërë personalitetesh të shquara.

Lidhja Shqiptare në Botë (LShB), e themeluar në vitin 1997 nga vëllezërit patriotë Mikel dhe Simon Kuzhnini, ka shënuar sot 25 vjetorin e saj në Bern të Zvicrës. Këtë përvjetor Lidhja e shënoi në bashkë-organizim me Këshillimoren ABSM me seli në Zvicër që gjithashtu shënon 25 vjetorin e themelimit.

Presidenti i Nderit i Dhomës së Biznesit të Diasporës Shqiptare, filantropi dhe biznesmeni i njohur Lazim Destani mori pjesë në Forumin Ekonomik të Vienës, me temë “Ekonomia takon politikën” që i zhvilloi punimet në kryeqytetin austriak.

Shoqata e Mjekëve Shqiptarë në Gjermani (ShMShGj) ka mbajtur ditën e djeshme takimin e 10-të Jubile të saj në ambientet e Klubit Ekonomik (Wirtschaftsclub) të Dyseldorfit në Gjermani.

Lazim Destani dje e ka vizituar Presidentin e Republikës së Shqipërisë, z. Bajram Begaj, i cili rishtazi erdhi në detyrën e tij të re si President i Republikës.

Nën organizimin e Dhomës së Biznesit të Diasporës dje u mbajt në Tiranë Samiti i III i Grave të Biznesit të Diasporës. Tema e këtij viti “Gruaja për Zhvillim të Qëndrueshëm”, mblodhi bashkë gra të suksesshme në profesione të ndryshme, të cilat e ushtrojnë punën e tyre në vende të ndryshme të botës.

Gjatë një ceremonie publike në vendndodhjen e projektit, ku morën pjesë zyrtarë shtetërorë të Maqedonisë së Veriut, palët nënshkruan marrëveshjen përfundimtare sipas të cilës kompania gjermane e familjes Destani “Next.e.GO Mobile AS” planifikon të ndërtojë Fabrikë për prodhimin e automjeteve elektrike të markës “e.GO” me kapacitet të pritshëm deri në 30,000 automjete në vit.