Sot në Tiranë, në hapësirat e Universitetit Polis u mbajt Tryeza e Opinioneve me Dhomën e Biznesit të Diasporës Shqiptare. Në kuadër të këtij aktiviteti u nënshkrua Marrëveshje Bashkëpunimi mes Dhomës së Biznesit të Diasporës dhe Universitetit Polis. Krahas drejtuesve të këtyre dy subjekteve, të pranishëm ishin profesorë e studentë, përfaqësues të institucioneve shtetërore e financiare, si dhe drejtues të organizatave ndërkombëtare.

Për herë të parë në Prishtinë po mbahet Forumi Ekonomik Gjermano-Kosovar. Aktiviteti i nisur ditën e djeshme dhe do të mbyllet ditën e nesërme. Ky Forum, i organizuar nga Oda Ekonomike Gjermano-Kosovare dhe me mbështetjen e Komitetit Lindor të Ekonomisë Gjermane e të Qeverisë së Kosovës, ka mbledhur së bashku mbi 40 biznese nga Gjermania, Kosova dhe Diaspora.

Rrjeti i Lidershipit Europian (RrLE) lançon Programin shumëvjeçar për vendet e Ballkanit. Kjo konferencë u mbajt në Londër në Parlamentin e Mbretërisë së Bashkuar, në Pallatin Westminster, të premten më 24 qershor, 2022.

Nën organizimin e Lidhjes së Shkrimtarëve, Artistëve dhe Krijuesve Shqiptarë në Gjermani dje në Dyseldorf u mbajt Takimi Tradicional Letrar “Azem Shkreli”. Ky manifestim mbahet për çdo vit në qytete të ndryshme gjermane duke bërë bashkë krijues, artistë e dashamirës të shumtë të fjalës së shkruar. Këtu morën pjesë shumë krijues, artistë e letrarë si dhe adhurues të fjalës së shkruar shqipe të ardhur nga vende të ndryshme të Europës si dhe nga trojet tona.

Lazim Destani mori pjesë në Tubimin Ndërkombëtar të Berlinit. Ky është një aktivitet që zhvillohet çdo vit me ftesë të deputetëve të grupit të mëngjesit në Bundestagun gjerman. Midis të ftuarve në Mbledhjen Ndërkombëtare të Berlinit ishin përfaqësues nga parlamentet, qeveritë, administratat, ekonomia dhe shoqëria gjermane, si dhe deputetë, anëtarë të qeverisë, ambasadorë dhe të ftuar të tjerë nga më shumë se 50 vende.

Lazim Destani merr pjesë në Forumin Ekonomik Financiar të Shkupit që mbahet këto ditë në kryeqytetin e Maqedonisë së Veriut. Ky është edicioni i dytë i konferencës vjetore ndërkombëtare inicuar nga Ministria e Financave dhe paraqet ngjarjen kryesore të këtij dikasteri. Konferenca është mundësi e mirë për të dëgjuar përvojat dhe pikpamjet e përfaqësuesve të institucioneve financiare të vendeve të rajonit dhe atyre ndërkombëtare si dhe sektorit të biznesit.

Biznesmeni dhe filantropi Lazim Destani, ishte pjesë e Forumit të Bizneseve të Diasporës që i zhvilloi punimet me datë 27-28 maj në Prishtinë. Këtu morën pjesë rreth 120 biznese nga diaspora dhe rreth 100 të tjera nga Kosova, përfaqësuesit e Ministrisë së Industrisë, Ndërmarrësisë dhe Tregtisë, kryetarë komunash e përfaqësues të USAID-it, si dhe përfaqësuesit e odave ekonomike nga Kosova, Shqipëria dhe Maqedonia e Veriut.

SOFJE – Për dy ditë me radhë (26-27 prill) në Sofje i zhvilloi punimet Samiti “Bashkimi Europian takon Ballkanin”, ku u trajtuan tema të ndryshme nga aktualiteti si, lufta në Ukrainë, apo çështjet e zgjerimit dhe anëtarësimit të Shqipërisë e Maqedonisë së Veriut.

Dhoma e Biznesit të Diasporës Shqiptare ka organizuar ditën e sotme një takim në Tiranë me partnerë, donatorë dhe palët e interesit ku prezantoi “Perspektivat e reja të investimit në atdhe”.

Presidenti i Nderit i Dhomës së Biznesit të Diasporës Shqiptare Z. Lazim Destani ka zhvilluar ditën e djeshme një takim me z. Nebi Hoxha, kryetar i Odës Ekonomike të Maqedonisë Veri-Perëndimore.

Oda Ekonomike e Maqedonisë Veri-Perëndimore ka mbajtur ditën e sotme eventin e përvitshëm “Top 100™”. Emër ky i cili tashmë është edhe i mbrojtur me markë tregtare. Në këtë ngjarje ishin të pranishëm figura eminente të biznesit dhe politikës nga vendi dhe rajoni. Në këtë aktivitet mori pjesë edhe presidenti i Nderit i Dhomës së Biznesit të Diasporës, sipërmarrësi dhe filantropi Lazim Destani i cili u vlerësua edhe me çmimin e mirënjohjes për afirmimin e biznesit shqiptar në Diasporë.

Presidenti i nderit të Dhomës së Biznesit të Diasporës, sipërmarrësi dhe filantropi Lazim Destani është nderuar ditën e sotme me çmimin “Nënë Tereza”. Ky çmim iu akordua z. Lazim Destani në kuadër të aktiviteteve të zhvilluara në takimin tradicional “Takimi i Shkodrës”, organizuar nga “Gazeta e Alpeve” dhe Bashkia e qytetit të Shkodrës.

U zhvillua paraditen e sotme aktiviteti vjetor “Takimi i Shkodrës”. Qyteti i Shkodrës ka bërë bashkë personalitete të ndryshme nga trevat tona, veprimtarë e figura të shquara nga jeta kulturore, shoqërore e politike, në një tryezë diskutimi për forcimin e bashkëpunimit dhe nxitjen e zhvillimit ekonomiko-social.

Kompania Ecolog International, në pronësi të familjes së Lazim Destanit, këto ditë ka dhuruar dhjetë autoambulanca për spitalet e Maqedonisë së Veriut. Autoambulancat janë të kompletuara me pajisjet dhe aparaturën e nevojshme mjekësore, përfshirë edhe pajisjen për trajtimin e pacientëve me Covid-19.

Biznesmeni dhe filantropi Lazim Destani ndodhet këto ditë në Ohër të Maqedonisë së Veriut ku po merr pjesë në konferencën dy-ditëshe që mbahet më 1-2 korrik, “Vendet e Ballkanit – Pjesa që mungon për të qenë Europa e plotë”.

Sot më 16 qershor, me rastin e Ditës Ndërkombëtare të Remitancave, në Tiranë u mbajt aktiviteti i organizuar nga Agjencia Kombëtare e Diasporës me mbështetjen e Bankës së Shqipërisë dhe Ministrit të Shtetit për Diasporën. Ngjarja u organizua në nderim të përpjekjeve të qindra-mijëra migrantëve shqiptarë, të cilët me të ardhurat e tyre sigurojnë një të ardhme më të mirë për familjet e tyre.

Lazim Destani i bën thirrje shtetasve nga Maqedonia e Veriut që jetojnë jashtë shtetit të regjistrohen sa më parë pasi procesi përfundon më 21 prill.

Akademia e Shkencave dhe Arteve e Kosovës ka promovuar sot librin “Demografia e Kosovës” me autor, Akadmik Hivzi Islami. Shtypjen e kësaj vepre shkencore e financoi filantropi Lazim Destani.

Me rastin e përfundimit të punës prej më se 30 vjetësh në Kongresin Amerikan, Lazim Destani e ka çmuar lart dhe e ka falënderuar Kongresistin Eliot Engel për rolin e tij të jashtëzakonshëm në mbrojtje të çështjes shqiptare si dhe për kontributin e tij madhor për demokratizimin e vendeve të Ballkanit në përgjithësi.

Dje, më 21 dhjetor, u mbajt takimi përmbyllës për vitin 2020 i Dhomës së Biznesit të Diasporës Shqiptare me ç’rast në përgjithësi u evidentuan aktivitetet e kryera gjatë vitit që po e lëmë pas si dhe synimet e Dhomës për vitin e ardhshëm.